Si fillim nxënësit u njohën me arkivën dhe me pas në sallën e biblotekës “Musine Kokalari” ndoqën dokumentarin e AIDSSH “Tre ditët e lirisë”, i cili ka në qendër historinë e revoltës të burgosurve politik në kampin- burg të Spaçit. Në vijim u njohën me librin për fëmijë, “Dielli lind në Spaç”, i cili ka në qendër zbërthimin e diktaturës dhe të drejtat e mohuara të njeriut, duke e mbështetur në ketë ngjarje.
Bazuar në rolin që Autoritetit ka marrë në edukimin qytetar të publikut dhe nxënësve të sistemit parauniversitar AIDSSH në bashkëpunim me MAS ka nxitur vizitat në institucion për t’u njohur me arkivën, por edhe me periudhën e errët historike që vendit kaloi nën diktaturë.
Autoriteti po zhvillon Platformës arsimore “Të mësojmë nga e kaluara- burime arsimore të hapura 1944-1991”, e cila synon t’u vijë në ndihmë mësuesve të historisë, qytetarisë, letërsisë me qëllim përcjelljen e ngjarjes tek nxënësit e sistemit parauniversitar.
Ruajtja e kujtesës kolektive, dhe nxitja e një kulture të të menduarit kritik, është pjesë e pazëvendësueshme e ndërtimin të vlerave demokratike dhe të drejtave të njeriut në vend.
